不知不覺, 又好耐無UPDATE過XANGA
係五月份，爺爺的過身
對我黎講就無咩野
可能有少少覺得老人家始終都會有一次
而且都成九十幾歲
但對我老豆同祖母黎講
心裡一定有點不開心
（特別係祖母添）
哥晚凌晨成家撲入長洲
最後都見送唔到佢
跟住我老豆同阿媽就周圍走
要辦手續
好彩剛剛有個期
叫做約一個星期就辦好了佢的身後事
而我祖母表面上叫做平復左
但實際上就。。。。。。
而我老豆幾乎每星期都入長洲陪下我祖母
希望時間沖淡
等佢無咁傷心啦

由六月開始, 又係等到四年一度的世界盃
唔知到今年又會睇幾多場呢
但相信一定唔會好似上年咁睇成四十幾場
本屆我個人會支持阿根庭，荷蘭同英格蘭

六月十一日（星期五）
世界盃的開始
揭幕戰---南非對墨西哥
呢場係暫時遺一場係睇大電視
成個上半場都係墨西哥天下
但都攻唔入
唔係Ｄ前鋒敗家
（可能係８０後缺乏經驗）
而入哥球又話係越位
重要係一個特別的越位添
我足足睇左十幾年波都係第一次聽
（可能係我唔踼波的關係）
下半場墨西哥擺大個頭搶攻
點知後防大亂
皮南非一次反擊得手而落後
好在最後都比墨西哥追得番唔洗輸
但墨西哥未能取勝而覺得佢地好唔抵

六月十二日（星期六）
希臘對南韓
呢場波最主要睇下星仔表現
南韓比我的感覺好團結
每個球員都好努力比賽
哈哈！！！最後南韓ＷＩＮ兩球
事實上，佢地班球員唔理領先兩球的情況
係末段都繼續攻希臘
而星仔重示範比佢地個前鋒睇左點樣入單刀波
哥球佢真係表現晒佢Ｄ技術同速度
靠希臘一次傳球失誤搶左佢地個波
跟住力壓兩個守衛同龍門射入
最重要係佢差點兒被後衛”較剪腳”夾中
好彩佢高速避開左

阿根庭對尼日尼亞
呢場波我只係睇左下半場
哥陣時阿根庭領先緊一球
但係越睇越覺佢地係度玩野
踼到好似練波咁
幾次快速反擊都拖慢個波
無論係三打三好
到最後幾分鐘的四打二都唔攻
（好似係一個米列圖，美斯，迪維斯加麥斯洛迪古斯）
一路都控球在腳
驚死人地追成平手咁
真係。。。。。。
想睇入波姐
唔洗咁對我嗎

英格蘭對美國
呢場波英格蘭第一球攻門就得手
謝拉特好波
點知。。。。。。
龍門再次成為英格蘭致命傷
格連竟然犯個咁的失誤
可以把一個唔係好好角度的遠射接唔住
重要拍入自己龍門
真係。。。。。。
哥刻有少少想打穫佢
下半場英格蘭反被美國禁住攻
真失敗。。。。。。
侯活又左撲右撲
唔輸重要好彩有條門柱
佢地Ｄ表現真係一Ｄ都唔對板

六月十三日（星期日）
朝早依舊都係返早堂
跟住原本想去游水
但最終都係無去到
（印象中好似找唔到游水衫）
但係今年已經唔係第一次游水
都唔知點解找佢哥時唔出黎
唔找佢哥陣又出番黎
黃昏又落左街打波
係第二日打個新波籃
點解Ｄ擦板咁難射入嫁
。。。。。。
返到屋企繼續睇波的開始

斯洛文尼亞對阿爾及利亞
成場波都好悶
兩隊都踼到無隊形
唔知佢地想點
搞到我都無晒心機睇
最後斯洛文尼亞重有幸下ＷＩＮ左
真係。。。。。。

塞爾維亞對加納
呢場波因為維迪的原故而支持塞爾維亞
感覺上兩支球隊的實力差唔多
其實加納Ｄ球員重好體能和速度高添
最後塞爾維亞輸了
但輸都係自己
如果唔係紅牌
如果唔係十打十一
如果唔係個傻仔無端端手球
結果未必會搞成咁
不過塞爾維亞比我感覺係進攻靠一個佢
佢個右翼－－－金毛仔
查實佢又幾好波
只係前鋒唔生性
特別係個二米的高佬球員施積

六月十四日（星期一）
又係忙的一週
因為七月要幫間學校搞數學活動
搞到要趕劇本
其實上星期已睇左一堆資料
呢日要度個稿出黎
目標係星期二前完成
查實兩個人有ＢＲＡＩＮＳＴＯＲＭＩＮＧ先至度得快
大家傾下度下
終於係放工前叫做有個模
重差一筆一筆細節未寫
放工不得即刻返屋企睇波
因為要補習
所以ＭＩＳＳ左荷蘭對丹麥呢場波
不過老豆話我知荷蘭踼得唔對板
重講話之前哥晚德國踼得好好添
。。。。。。
可惜無得睇

日本對喀麥隆
呢場波我以為非洲雄獅有料到
點知。。。。。。
比我感覺同以前好唔同
喀麥隆同尼日尼亞再唔係非洲勁旅
特別係兩隊只係得個龍門
前線無料到
搞到下半場ＥＴＯ要返中場找波踼
真係。。。。。。
日本一來有運
二黎我覺得球證有Ｄ偏幫佢地
有好幾球喀麥隆無犯規又被吹
相反日本有好幾次犯規就無事
。。。。。。
有無搞錯呀！！！

六月十五日（星期二）
無驚無險
終於係放工前搞掂份稿
無係始終有Ｄ地方打錯字
同埋有Ｄ細節未搞好

新西蘭對斯洛伐克
呢場我估計係一場垃圾波
點解會擺係七點半嫁。。。。。。
睇睇下，佢地踼得重好過斯洛文尼亞對阿爾及利亞哥場
起碼Ｄ進攻叫做連接到
又有一Ｄ威脅的攻門
最好笑就係斯洛伐克
以為憑一球越位波
（今屆球證第一次錯判入球）
就取得歷來世界盃第一場勝利
點知。。。。。。
都係哥句－－－波始終係圓的
未到最後一刻都未知勝負
果然奇蹟發生啦
補時最後一個攻門入波

葡萄牙對象牙海岸
呢場波的亮點係Ｃ朗拿度對杜奧巴
點知杜奧巴先擺後備
比我感覺
象牙海岸係非洲中最強的一隊
前中後都有好多英超球同西甲球員
真係唔可以睇少
佢地係有能力爭出線
相反，葡萄牙只靠Ｃ朗拿度
（基於拿尼又收左皮）
呢場波再次證明一個人的能力係有限嫁
成場波被釘死
只有一個遠射中柱稍為有威脅
下半場中段，杜奧巴終於落場
到最後睇到一幕
係Ｃ朗同杜奧巴搭博頭
哈哈！！！我老豆重話佢地緊係傾緊和波啦
果然真係有佢道理
最後哥球象牙海岸有咩理由開短角球
明明都知道係最後一擊啦
真係。。。。。。

六月十六日（星期三）
呢日端午節，以為放假可以訓耐Ｄ
點知。。。。。。
八點幾又醒左
好在，有ＮＢＡ　ＦＩＮＡＬ睇
湖人對塞爾特人
係今年第一次睇ＮＢＡ　ＦＩＮＡＬ
一睇湖人就大炒
成場波加素真係打得好好
差一球助攻可以有三雙
最後重炒成廿幾分添
下午約左邦去游水＠摩士
都成個月無游水咁滯
可惜唔能夠曬太陽
不過比起天文台就哥日雷電加大雨的預測為好
游游下水，落左陣雨
跟住返屋企想打下波姐
落到球場射唔夠五球就要走
真係掃興
遺有等睇波啦

洪都拉斯對智利
呢場波智利的感覺比我幾好
個中前場做得好好
其實都係個教練的功勞
可惜Ｄ球員太喜歡個人踼法
成日”留黎留去”都唔實際
前鋒敗家就突顯實力差ＤＤ啦
最後智利都緊緊ＷＩＮ到實力不濟的洪軍

西班牙對瑞士
呢場波原先想睇下西班牙點樣炒瑞士
點知。。。。。。
唔係西班牙表現唔好
而係個天都唔幫佢
佢地又唔用高空波
中路走位打法被九零一的瑞士守死
到下半憑一球突擊輸左
真係無耐
點解教練唔出法比加斯
難度係因為佢未番巴塞？？？
睇住西班牙輸真係好無耐
莫非呢屆世盃又係巴西同德國天下？？？

六月十七日（星期四）
呢日朝早返公司
跟住就去左澳門做野
幾經辛苦
終於叫做勸掂間學校
其實都未落實
都要再努力Ｄ做好番個ＣＵＳＴＯＭＥＲ　ＳＥＲＶＩＣＥ
跟住去左威尼斯人度假村
（我老細係哥度開會，住哥度）
原來裡面賣點係金碧輝煌
Ｄ酒店房都幾大下，唔怪得之咁貴啦
最後搭四點半返香港
返到屋企時間剛剛好－－－睇曾任權大戰余若薇
比我感覺兩邊都係度鬥避
只係講自己Ｄ　ＰＯＩＮＴ
但又不斷避而不答一Ｄ唔識解釋的ＰＯＩＮＴ
一場政治ＳＨＯＷ，唔想理佢地

世界盃第二輪比賽
阿根庭對韓國
呢場波真係估唔到個結果
不過其實雙方都叫做發揮應有水準
阿根庭終於ＳＨＯＷ實力比人睇
美斯＋阿古路＋迪維斯＋希古因等人好恐佈
超強控球能力呀！！！
完全唔驚南韓體力和壓迫踼法
南韓只係輸一樣野
唔明白同阿根庭鬥攻係等同自殺
不過阿根庭Ｄ後防都要檢討一下
先係大意情況下被李青龍追番一球
重係下半場初差點被人反擊得手追和
好彩人地前鋒敗家姐
最後十五分鐘先至係成場波最好睇的時候
先後憑反擊射成四比一
最後美斯加阿古路兩個人重好想人球
前線兩個人打ＯＮＥ　ＴＷＯ都好恐佈
玩謝南韓後防

法國對墨西哥
呢場波雖然開兩點半
但睇的目的係想睇住法國點樣輸波
果然真係。。。。。。
法國的前線各自為戰
安歷卡真係好廢
反而墨西哥經上場教訓後
後防少左好多漏洞
而前場靠幾個８０後打Ｄ反擊都好快添
最後憑曼聯的新仔費南迪斯突破越位射成一比零
（呢球充分體現法國後防越位失敗後唔追波，只企係度）
加埋法國送的大禮十二碼由夾波王白蘭高射入
（呢球令熱身中的亨利無得落場）
最後墨西哥ＷＩＮ兩球
最重要係令法國出線機會好細－－－接近零
（下場烏拉圭對墨西哥和波機會好高）
好可能繼數年前歐洲國家盃意大利被夾出局一樣

六月十八日
德國對塞爾維亞
呢場波有兩個第一次
一個第一次係德國射失十二碼
另一個第一次係塞爾維亞可以連續兩場手球輸十二碼
雖然輸左，但德國十打十一都好得
特別係下半場幾次係左路玩伊雲洛域謝晒
進攻依然好有威脅
呢場波也係本屆世界盃最多牌的一場

英格蘭對阿爾及利亞
為左睇英格蘭，搞到我要連續兩晚兩點幾起身
點知。。。。。。
英格蘭一Ｄ勁旅ＦＥＥＬ都無
重話佢地有機會拿世界盃
發夢就有佢份
成場波Ｄ進攻好不濟
朗尼－－－成場波只有一腳遠射
其餘時間都夢遊球場
唔係被人夾，就係自己傳失
林伯特－－－只有一腳似樣少少的射波
其餘時間都唔知佢係邊度
列儂－－－係被換出時只有一腳似樣少少的傳送
成班人又唔積極
中場竟然可以比阿爾及利亞拿住
真係要好好咁檢討一下
再係咁會同法國咁一齊提早搭飛機返國
呢場波雙特的問題再次出現
難度卡比路的任期到此為止
（個人希望佢地下場踼番場爭氣波ＬＯ）

話咁快一連四日的假期已經完結
不知不覺, 咁又過左個農曆新年
同往年唔一樣, 今年少左半日假
......
不過好彩年廿九放三點鐘補嘗番姐
在農曆新年之前
三個月前影左的官方畢業相終於到手
(比左成四百幾蚊影嫁)
點知......
一返到屋企發覺出左事
D相有一半係我, 一半係我之前個同學
自己個人相同屋企人影哥D相就無錯
上台哥D全部同我之前的同學掉轉左
有無搞錯呀！！！！！
我地兩個唔係好似樣姐
最後，係年廿九同個同學調番Ｄ相
但雙紀念的ＣＤ就要間影相鋪搞過比我
希望可以快Ｄ收到啦

一連四日的假期都係一如以往咁樣
年三十晚
一家人食團年飯
年初一
一早起身返長洲
（同長洲的親人拜年）
包括袓父母，舅父等等
跟住夜晚一個人率先返屋企
年初二
唯一一日叫做全日係屋企
朝早一起身梗係睇ＡＬＬ　ＳＴＡＲ
跟住上下網同練下琴
ＨＥＡ下又一日
年初三
尋日中午去飲茶
跟住我媽媽的哥哥同家姐上左黎我屋企
佢地就攻打四方城
我就同家姐好無聊咁玩左陣電腦遊戲
夜晚依舊我阿媽下廚
又有口福啦
不過呢幾日係咁食野
特別係朱古力，果仁，糕點等
睇黎要跑番幾日步
一來要ＫＥＥＰ下，二來要練下渣打馬拉松
年初四
第一年要初四上班
（之前年年都係讀書）
不過ＢＯＳＳ無返
朝早到依家都無咩真正做過超過一個鐘的野）
哈哈！！！新年返工真係無野做哦